2015-01-15 11:46

       里昂發表報告，依然睇好今年汽車銷量增長，料內地滲透率仍低，並睇好長城汽車(02333)及華晨(01114)。
      
      報告指出，內地汽車去年銷量上升6.9%，比2013年增長13.9%有所放緩，但里昂仍長線睇好汽車業，因內地2013年每1000人只有78輛乘用車，反映滲透率仍低，該行預計今年增幅達7.1%，當中多用途車增幅料最大，達25%，SUV料按年升23%。
      
      里昂又指，去年貴價房車銷售按年升兩成，由於現時內地滲透率只有8%，比美國12%低，料中產及汽車融資推動下，料貴價房車保持增長。
      
      該行建議，受惠SUV強勁增長，可考慮買入長城汽車，同時由於華晨主要集中高檔車市場，因此也被睇好。至於東風(00489)，里昂認為該股今年缺乏新車款登場，故睇淡前景。(rw)