Sammi於紅館舉行第8場演唱會，請來張學友擔任表演嘉賓，她先跟學友繞手走過台上的「紅地氈」，並笑言要封學友做「樂壇慈父」，因他逢騷必到、有求必應。她又在台上透露第一部電影正是獻給學友，兩人於《飛虎精英之人間有情》中扮演情侶，笑稱若有人想翻睇，請留意她當年的兩碌大髀。不過，現場沒有播出Sammi當年的大髀，而是播出她跟學友的咀嘴相，引來全場觀眾嘩聲四起！Sammi自己亦大叫：「嘩！好Open呀！我細個做乜咁Open？拍埋呢種三級片？（學友：你睇你畀我渣頭髮，幾激！）我就送左熒幕初吻畀你（學友）啦！好滋味啦！Lum晒咀咁樣！（學友：好正呀！同埋你個陣時夠肉呢！）咩意思呀？」學友說得興奮之際還差點踩到Sammi的裙腳，嚇得Sammi又再大叫，令全場爆笑。