梁思浩與好似江美儀及莊思敏等提早慶祝生日，思浩話下星期先係正日，噚晚只係朋友提早同佢搞。思浩話年年都會去世界各地幫助孤兒，而今年就會去緬甸，仲話去到見到有幾多個小朋友，就會買幾多個蛋糕。
      
      問到思浩今年有乜嘢生日願望？佢一班朋友就喺後面起哄話：「返TVB！」佢就自爆話去年有藝員科同事接觸過佢，其實大致上都可以，只係錢嘅問題，思浩仲話對方好有誠意，因為對方唔夠直播主持。咁講係咪真係會返去呢？思浩就話：「世界係圓，相信始終有一日會返去。」(攝影：羅安強)